Eftirlýstur

Jack Reacher snýr aftur og nú er hann eftirlýstur ... Þegar harðjaxlinn Reacher stendur við hraðbrautina með brotið nef hlýtur að teljast skiljanlegt að enginn vilji taka hann upp í. Loks fær hann þó far. Í bílnum eru tveir karlar og kona og brátt rennur upp fyrir Reacher að þau hafa eitthvað að fela — en hvað? Og svo birtist vegartálmi lögreglunnar fram undan. Að hverjum er verið að leita — og hvers vegna var honum boðið far? Áður en varir eru allir á hælum Reachers. En hann er ekki þannig maður að hann flýi af hólmi. Lee Child er einn vinsælasti spennusagnahöfundur heims og bækurnar um Jack Reacher þykja hver annarri æsilegri. Eftirlýstur er sú tíunda sem út kemur á íslensku.