Utangarðsbörn

Martröð allra foreldra: Sara stendur lömuð á brautarpallinum – hún hefur misst af lestinni sem ung dóttir hennar er í. Og þegar lestin kemur til Stokkhólms er barnið horfið. Á leyndum stað í Svíþjóð er ung kona í felum og óttast ekkert meira en að maðurinn sem hún hélt einu sinni að væri draumaprinsinn finni hana á ný. Hún veit betur en nokkur annar af hverju litla stúlkan er horfin

Reyndir lögreglumenn eru sannfærðir um að faðir litlu stúlkunnar sé valdur að hvarfi hennar en Fredrika Bergmann er ekki jafnviss. Brátt kemur í ljós að annað og myrkara býr að baki en forræðisdeila og rannsókn lögreglunnar verður að vonlitlu kapphlaupi við tímann …

Kristina Ohlsson er fædd 1979 og vinnur sem öryggisráðgjafi hjá sænska ríkislögreglustjóraembættinu. Utangarðsbörn er fyrsta skáldsaga hennar og hlaut mjög góðar viðtökur. Hún hefur nú verið þýdd á tólf tungumál. Jón Daníelsson þýddi.