Útkall: Þyrluna strax!

Langerfiðasta útkall sem þaulreynd áhöfn TF-LÍF hafði lent í var rétt sunnan við Sandgerði fyrir síðustu jól, þegar sjö aðframkomnum Dönum af varðskipinu Triton var bjargað, eftir tvær klukkustundir í sjónum, með ævintýralegum hætti úr allt að átta metra háum öldum – á við þriggja hæða hús. Í þessari bók lýsir áhöfn TF-LÍF og Danirnir sjálfir í fyrsta skipti opinberlega því sem gerðist. Danirnir áttu skelfilega vist í sjónum sem þeir lýsa í bókinni. Líkamshiti eins þeirra var orðinn 28 gráður. Áður en Triton kom til Íslands dreymdi Rudi, stjórnanda gúmbátsins, að bátnum hvolfdi og félagi hans drukknaði – draumurinn hafði afdrifaríkar afleiðingar.