დიალოგი ცენზურაზე

ცენზურა, როგორც წესი, ტოტალიტარული რეჟიმების პირმშოა. თუმცა იდეოლოგიურ ცენზორზე მკაცრი შეიძლება საზოგადოება, ან, თუნდაც, საკუთარი ეგო გამოდგეს. ამ, და ცენზურასთან დაკავშირებულ სხვა მრავალ საინტერესო თემას მიეძღვნა რადიოგადაცემების ციკლი "დიალოგი ცენზურაზე", რომლის ავტორი და წამყვანი ლაშა ბუღაძე სტუმრებთან ერთად მიმოიხილავს, რა როლს თამაშობს ადამიანის საზოგადოებრივ, პოლიტიკურ, კულტურულ ცხოვრებაში ცენზურა, განვითარების რა ეტაპები განვლო ამ ფენომენმა და რა მდგომარეობაა დღეს ამ მხრივ ჩვენს ქვეყანაში.

წინამდებარე წიგნი წარმოადგენს რადიოგადაცემების ციკლის – "დიალოგი ცენზურაზე" – ბეჭდურ ვერსიას. გადაცემები გადიოდა რადიო "შოკოლადის" ეთერში 2013-1014 წლებში. პროექტი დაფინანსდა ფონდ "ღია საზოგადოება – საქართველოს" მიერ. გადაცემების აუდიოვერსიის მოსმენა შესაძლებელია რადიო "შოკოლადის" ვებგვერდზე (www.shokoladi.ge).