Madditt

Madditt heitir í réttu lagi Margrét, en þegar hún var lítil gekk henni illa að segja nafnið sitt svo það breyttist í Madditt. Það er bara þegar hún hefur gert eitthvað að sér að hún er kölluð Margrét, sem er reyndar nokkuð oft. Henni dettur svo margt skrítið í hug. Beta, litla systir hennar, er ekki nærri því eins uppátækjasöm en hún fylgir Madditt eins og skugginn og lendir þess vegna líka í ýmsu óvæntu.
Ævintýri Maddittar og Betu enda stundum með ósköpum en samt er hver dagurinn öðrum skemmtilegri á Sólbakka. Hverjum getur líka leiðst í stóra, rauða húsinu niðri við ána, hjá mömmu, pabba og Öllu, kettlingnum Glóru og hundinu Snata? Ekki Madditt og Betu, þær una sér vel úti og inni, sumar, vetur, vor og haust.

MADDITT er bók í hæsta gæðaflokki eins og allar bækur eftir Astrid Lindgren. Sigrún Árnadóttir þýddi.

Fyrsta útgáfa 1980