Þar sem sólin skín

Sænsk fjölskylda er myrt með gasi á heimili sínu á spænskri sólarströnd. Þvert gegn vilja sínum er Annika Bengtzon send til Spánar til að fylgjast með gangi rannsóknar á málinu. Spenna ríkir milli Anniku og Thomasar, fyrrverandi eiginmanns hennar, og hún vill helst ekki skilja börnin eftir hjá honum og hinni nýju sambýliskonu hans. Brátt eiga gasmorðin þó hug Anniku allan. Eftir því sem rannsókn málsins vindur fram koma stöðugt dularfyllri hlutir í ljós. Undir brennheitri sól flækist Annika í örlagaríka og æsispennandi atburðarás þar sem koma við sögu eiturlyf, peningaþvætti og hefnd sem á rætur að rekja til löngu lið-inna atvika.

Þar sem sólin skín spannar breitt sögusvið – Þýskaland nasismans, sænskt bændasamfélag á sjötta áratugnum og Stokkhólm, Malaga og Marokkó samtímans.