Uçan sinif

“Baş-başa verməyincə daş yerindən qalxmaz” deyiblər. “Uçan sinif” romanı beş dost arasındakı gözəl və səmimi dostluqdan bəhs edir. Uşaqlar Yeni il bayramına tamaşa hazırlayırlar. Amma tamaşada iştirak edən dostlarından birini on birincilər qaçırır. Və onlar qərara gəlirlər ki, dostlarını on birincilərin əlindən xilas etsinlər. Görəsən, bunu bacaracaqlarmı?
Alman uşaq ədəbiyyatının klassiki sayılan Erix Kestner bu romanda uşaqların mənəvi dünyasını çox real cizgilərlə təsvir edir. Əsər boyu dostların uşaqsayağı dəcəllikləri və şıltaqlıqları insanın dodağını qaçırdır və romana incə yumor hissi qatır. Qəhrəmanların xarakterinin müxtəlifliyi – bəzisinin tənbəl və acgöz, bəzisinin savadlı və utancaq, bəzisinin qorxaq, bəzisinin də çoxbilmiş olması əsərə ayrıca şirin bir dad verir. Amma onlar bu müxtəlifliyə baxmayaraq, bütün dar məqamlarda bir-birinə dayaq olur və bu səmimiyyət insanı mütəəssir edir.
Erix Kestner yazdığı uşaq kitablarına görə 1960-cı ildə uşaq ədəbiyyatının Nobeli sayılan “Anderson” mükafatına, həmçinin avtobioqrafik romanına görə “Luis Kerol” mükafatına layiq görülüb.