Die donker geheim

Die FBI en die plaaslike polisie het Charlotte Graham se ontvoerders ná vier jaar opgespoor, doodgeskiet en haar bevry.
Maar sy het nooit ’n woord vir enigiemand gesê oor daardie vier jaar nie. Wanneer ’n verslaggewer besluit om ’n boek oor die ontvoering te skryf, moet Charlotte besluit of sy die stilte gaan verbreek wat haar familie vir jare beskerm het.
Bryce Bishop ken nie vir Charlotte nie, maar weet net sy het munte om aan hom te verkoop. Hoe beter hy Charlotte leer ken, hoe meer stel hy in haar belang. Maar haar verlede is ’n struikelblok wat haar selfs ’n reuse erfporsie sal laat prysgee.
DIE DONKER GEHEIM draai om ’n misdaad wat die polisie gedink het opgelos is, maar nou net die begin van ’n nuwe hoofstuk blyk te wees ...