Brúin á Drinu

Brúin á Drinu er stórbrotin þjóðlífslýsing, skreytt lifandi myndum sérkennilegra einstaklinga og mikilfenglegra örlaga. Þarna er rakin saga hinnar miklu brúar, sem nátengd því lífi, sem höfundurinn lýsir á ógleymanlegan hátt. Þar birtist hin miskunnarlausa grimmd í viðbjóðslegri nekt, er Radisav er kvalinn til dauða. Þar steypir Fatima hin fagra sér í fljótið á brúðkaupsdegi sínum, vegna þess, að hún kýs heldur dauðann en ástlaust hjónaband. Þar spilar Milan heila nótt við kölska sjálfan og leggur allt undir og sál sína að lokum. Þar lætur hinn saklausi Fedun tælast af fegurð framandi konu og glatar fyrir það gæfu sinni og lífi.

Þessi bók er sérkennileg, undarlega máttug og heillandi, enda aflaði hún höfundinum heimsfrægðar og bókmenntaverðlauna Nobels.