Измени ме

Борут полека сфаќа дека тоа што го прави не е во ред и дека треба да измени нешто. Почнува полека, изнајмува стан и на тајната сметка две години си уплаќа дел од заработените пари. Во еден миг решава дека треба да ја напушти жената и децата и да ја почне својата голема мисија...
Оттука, Борут и неговата жена Моника ги следиме на раздвоени, а сепак преплетени патишта.
Овој роман, како типична антиутопија, на мошне суптилен начин ни покажува што може да се случи кога премногу ќе попуштиме пред потрошувачкиот дух и пред барањето сѐ повеќе и повеќе, во потрага по сѐ поевтино и поевтино, што води до сѐ поголемо раслојување на општеството, а луѓето ги дели на оние што можат да си дозволат сѐ и оние што немаат ниту за гола егзистенција...