ნოემბრის მიწურულს

მუმინების ხეობაში გვიანი შემოდგომა დადგა. სწორედ ამ დროს გადაწყვიტეს იქაურობის მონახულება ჰემულმა, ჰომსამ, ფილოფიონკამ, ძია სკრუტმა და მიმლამ. არადა მუმინების ოჯახი შინ არ არის, ამიტომაც არ დახვდებათ სტუმრებს არაფერი ისე, როგორც წარმოედგინათ. სტუმართმოყვარე მასპინძლების მოლოდინში ყველანი მუმინების სახლში დასახლდებიან და ცდილობენ, ერთმანეთს რიგიანი მეზობლობა გაუწიონ...

სადღაც შორიდან ტყეში მოხეტიალე სნუსმუმრიკი გამოჩნდება. ის მუმინების ხეობაში დაკარგულ მელოდიას ეძებს. ხეხილის ბაღში ისევ დგას კვარცხლბეკზე მინის ცისფერი ბურთი, რომელიც უწინდებურად ირეკლავს ხეობაში მომხდარ ყველა ცვლილებას. ბურთი დიდხანს არის ჩაბნელებული, თუმცა, ბოლოს და ბოლოს, ერთ საღამოს, შიგ ძალიან პატარა, თუმცა თამამი სინათლე ინთება.