Nóttin langa

Nóttin langa eftir Stefán Mána er sjálfstætt framhald af hinni vinsælu ungmennabók Úlfshjarta frá 2012.
Alexander og Védís eru varúlfar. Þau hafa helgað líf sitt því að kenna öðru fólki með varúlfagen að hafa hemil á eðli sínu.
Nú er kominn fram á sjónarsviðið stórhættulegur óvinur. Hinn svartklæddi öfgahópur Caput sveiflar flugbeittum sveðjum og ætlar sér ekkert minna en að útrýma öllum varúlfum á jörðinni.
Sögur herma að nú stefni Caput til Íslands, eyjar berserkjanna og fæðingarstaðar sjálfs varúlfagensins.
Þegar Alexander kemur heim í risíbúðina í Reykjavík eitt síðdegið er Védís horfin. Þar með ganga í garð myrkir tímar.
Niðdimm nótt sem ætlar engan endi að taka.